Fojia Hindistonning Uttarakxand shtatidagi Birgoli qishlog'ida sodir bo'ldi. O'rmondan qishloq ko'chasiga bemalol chiqib kelgan leopard o'zi yashaydigan uy yonida o'ynayotgan 6 yashar bolaga tashlangan. Yonidagi o'rtoqlari, qishloq ahli leopardni urib haydagan. Afsuski, yirtqich bolakayni o'ldirib ulgurgandi.
Qishloq ahlining aytishicha, bo'lib o'tayotgan shunday fojialarda mahalliy rahbarlar va o'rmon xo'jaligi mutasaddilari aybdor. Leopardlar bemalol o'rmondan chiqib kelib qishloq odamlariga, hayvonlarga tashlanmoqda, o'ldirib ketmoqda. Biroq rahbarlarning parvoyi falak.
— Agar o'sha yirtqich leopardni odamxo'r deb e'lon qilinmasa, uni tutib o'ldirilmasa, biz qishloqdagilar o'zimiz bu ishni amalga oshiramiz. — deyishmoqda Bilgori qishlog'idagilar.
Yanvar oxirida ham leopard cho'ponlar yashaydigan uy yoniga yaqinlashib kelib tashqarida uxlayotgan 4 oylik chaqaloqni olib qochgan. Keyinchalik chaqaloqning tilkalangan jasadini 1,5 kilometr uzoqlikdan topishgan.
рейтинг: 0.0
