Shu yil 25 dekabr kuni Samarqand viloyatida 21 yoshli ismi-sharifi ma'lum qilinmayotgan qizning murdasini topishdi. Murda Ishtixon tumanidan oqib o'tgan Saynoq kanali sohilida yotardi. Sud-tibbiy ekspertiza qiz pichoqlab o'ldirilganini ko'rsatib berdi.
Tergovchilar shuni aniqlashdiki, 23 dekabr kuni jasad egasi o'zining tug'ishgan singlisi bilan birga spirtli ichimlik iste'mol qilgan. Shu asnoda sevgan yigiti haqida gap ochgan. Ma'lum bo'lganki, opa-singil bir yigitga ko'ngil berishgan ekan. Bundan g'azablangan singil opasiga bir necha marta tig' zarbalarini yo'llagan. Opasini o'ldirgach, jinoyat izlarini yopish maqsadida murdani kanal sohiliga olib borib tashlagan.
Hozirgi vaqtda ushbu fakt yuzasidan jinoiy ish qo'zg'atilgan.
рейтинг: 0.0
